23 Ocak 2015 Cuma
21 Ocak 2015 Çarşamba
"Google" haqqında maraqlı məlumatlar



"Google" haqqında qısa məlumat


Google dünyanın ən böyük axtarış sistemləri və reklam sahəsində ixtisaslaşmış ABŞ-da yerləşən Transmilli şirkətdir. Google internetdə yerləşən bir çox xidmət və məhsullara sahiblik etməklə yanaşı onları inkişaf etdirir.
Stenford Universitetinin iki tələbəsi, Larry Page və Sergey Brin, Google-ni 1998-ci ildə, başlanğıc sərmayəsi 25 milyon dollar olaraq qurdular. Google, 6 il sonra birjaya açıldığında dəyəri 23 milyard dollar idi. Hal-hazırki dəyəri isə 400 milyard dollardır. Şirkətin bank hesabında 60 milyard dollar nağd pulu var.
Google-nin qurucularından olan Sergey Brin 41 yaşındadır. 28 milyard 700 milyon dollar sərvətiylə dünyanın 19-cu ən varlı insanıdır. Digər qurucusu Lary Page də 41 yaşındadır. 29 milyard 200 milyard dollar sərvətiylə dünyanın ən varlı 17-ci şəxsidir.
 Şirkətin GooglePlex adlanan mərkəzi işyeri Kaliforniyada yerləşir və dünyada 5000-ə yaxın işçisi var. Şirkətin sərmayə ortaqları, Kleiner Perkins Caufield & Byers və Sequoia Capitalı dırlar.
Baş ofisi Mauntin Vyuda (Kaliforniya) yerləşir.

 "Google" haqqında maraqlı məlumatlar


Google adı “Googol” sözündən götürülərək yaradılıb. "Googol " çox böyük bir ədəddir. 1-dən sonra 100 sıfır qoyanda googol ədədi əmələ gəlir.
Google bu günə qədər böyüklü-kiçikli 170 şirkəti alıb. Aldığı ən böyük şirkət isə 2012-ci ildə 12 milyard dollara aldığı Motoroladır.
Google Motorolanı alma səbəbi, şirkətdəki mobil Patent sahib olmaq idi. Bu səbəblə Motorolanı 2 il sonra Çinli kompüter istehsalçısı Lenova şirkətinə aşağı bir qiymətə satdı.
Google, Youtubeni 2006-cı ildə 1 milyard 650 milyon dollara aldı. Youtube o vaxtlar hələ 2 yaşında bir sayt idi.
Google-də saniyədə 2 milyon axtarış edilir. Sizə göstərilən nəticələr 200 meyar göz önünə alaraq yaradılır.
Google, internet aləmindən başqa bəzi yenilikçi ixtiralara da dəstək verir. Məsələn, bunlardan biri də, "Google sürücü" adı verilən, "sürücüsüz avtomobil" layihəsidir. Fantastik filmlərdə gördüyümüz bu texnologiyada artıq son nöqtəyə gəlinib. Bu il San Fransisco yollarında test sürüşləri edilməyə başlanacaq.
Google-nin inkişaf etdirdiyi bir digər layihə isə "Google Eynək"dir. 2013-ci ildə 1500 dollardan az bir qiymətdə satışa təqdim edildi. İçində olan ekran sayəsində havanın vəziyyətini, ən yeni xəbərləri görmək olur. Ayrıca video çəkmək və telefon görüşməsi etmək də mümkündür

“Google”-nin maraqlı xüsusiyyətləri


·         Axtarış sisteminə "do a barrel roll” yazdıqda səhifə 360 dərəcə dönəcəkdir.
·         Axtarışa “What is the loneliest number?” (Ən tənha ədəd hansıdır?) yazdıqda 1 rəqəmi görsənəcək.
·         Google-yə "Askew" və ya "tilt" yazdıqda səhifə bir az yana əyiləcəkdir.
·         Google-yə "Google Gravity" yazıb "Özümü şanslı hiss edirəm" düyməsinə basdıqda səhifə ünsurlarının hamısı yerə düşəcək.
·         "Recursion" (sonsuza qədər təkrar etmək) sözünü axtarışa verdikdə Google həmin sözü yenə axtarmağı təklif edir.
·         "Where is Chuck Norris?" (Çak Norris haradadır?) yazdıqda və ilk linkə girdikdə qarşıya "Google Çak Norrisi axtarmayacaq, çünki siz onu tapa bilməyəksiz, o sizi tapar" ifadəsi çıxar.
·         Google-ni latın stilə salmaq üçün "Google Latin", pirat stilinə salmaq üçün "Google Pirat", Elmer Fuddun danışıq stilinə salmaq üçün "Google Elmer Fudd" yazıb "Özümü şanslı hiss edirəm" düyməsinə basmaq lazımdır.
·         Google Tərcümədə "pv kkk pkkk pvpvpv ppkk pddd bschk bschk pv zk pv bschk pv pv pv bschk bschk bschk kkkkkkkkkk bschk bsch" yazıb tərcümə olunaca dili çex dili seçdikdən səsli tərcümə düyməsinə basdıqda mahnıya qulaq asmaq mümkündür.
·         Google Earth açıq ikən Ctrl + Alt + A düymələrinə basdıqda uçuş simulyatoru oyunu oynamaq mümkündür.
·         Axtarışa <blink> sözünü yazdıqda nəticələrdəki "blink" sözü yanıb sönəcəkdir.
·         "Mentalplex" sözünü axtardıqda və ilk linkə girdikdə Googlenin 2000-ci ildəki görünüşü ilə qarşılaşmaq mümkündür.
·         Google ilə ayrı-ayrı şəhərlərin saatlarını da öyrənmək mümkündür. Bunun üçün sadəcə "what time is it in (şəhərin adı)" ifadəsini axtarışa vermək kifayətdir.
·         Google Şəkillərə “241543903” ədədini yazıb axtardıqda ortaya başını soyuducuya soxan insanlar çıxır.
241543903 ədədinin niyə belə özəlliyi olduğu dəqiq bilinmir. Bilinən ən qədim 241543903 etiketli soyuduculu şəkil 2009-cu ilin aprelində David Horvitz tərəfindən yüklənmişdir.
Davamı
20 Ocak 2015 Salı
"Xəmsə Milli İntellektual Oyunu" proqramı


"Xəmsə Milli İntellektual Oyunu" proqramını Yükləmək üçün aşağıdakı linkə girin.
                                                 
                                                        http://adf.ly/wT9W5

(linkə girdikdən sonra açılacaq səhifədə 5 saniyə gözləyib yuxarı sağ küncdə olan Skip Ad düyməsinə basın. Ondan sonra açılacaq səhifədə Download düyməsinə basıb proqramı yükləyin)

 "Xəmsə Milli İntellektual Oyunu" proqramından necə istifadə etməyi öyrənmək üçün aşağıdakı videoyu izləyə bilərsiz.



Davamı
"Futbol da bir dünyadır" mövzusunda Xəmsə Sualları


"Futbol da bir dünyadır" mövzusunda Xəmsə Suallarına cavab verərək bu mövzu üzrə öz biliyinizi göstərin. Mövzu üzrə 10 sual mövcuddur. Suallar orta səviyyəlidir və hər sual 4 variantlıdır. Suallara başlamazdan əvvəl öz adınızı ,soyadınızı və email adresinizi yazmağı unutmayın! 
Uğurlar!


Davamı
19 Ocak 2015 Pazartesi
Nə? Harada? Nə zaman? Sualları #1


1. Diqqət. Sualda əvəzetmə var. Yəni başqa bir söz X-lə əvəz edilib.
X-in yaranması qədim dövrlərə yəni antik yunan vaxtlarına gedib çıxır. İlk dəfə olaraq X-in sistematik forması yunan filosofu Platonun qohumu Spe-usip-pos tərəfindən yaradılmışdır. X-in orta əsrlərdə yaranmış variantları daha mükəmməl tərkibə malikdir. Biz hal-hazırda X-in dünyaca məşhur olan internet versiyasından daha çox istifadə edirik. X nədir?
Cavab: Ensiklopediya(İnternet versiya=Wikipedia)
 2.Amerikalı politoloq ZBİQNEV BJEZİNSKİ «Böyük şahmat taxtası» əsərində qeyd edir ki, hal-hazırda dünyada yeganə fövqəl-bəşər dövlət ABŞ-dı. Bəs onun fikrincə dünyada ilk fövqəl-bəşər dövlət hansıdır?
 Cavab: Roma İmperiyası
3. Diqqət. Sualda əvəzetmə var. Yəni başqa bir söz X-lə əvəz edilib.
Böyük coğrafi kəşflər dövrünün son nümyəndələrindən biri olan və XIX əsrdə yaşamış norverçli alim və səyyah Fritof Nansen Şimal Qütbünə gedib çıxa bilməsə də Arktikanın bütün coğrafi problemlərini həll etmişdi. Azerbaijan Airlines (Azərbaycan Hava Yolları) jurnalında oun haqqında məqalənin adı "Əlçatmaz X-lər fatehi adlanır". 1 dəqiqə ərzində X-in nə olduğunu tapın?
 Cavab: Buzlaq
4. Bu insanın "Ölümdən sonra həyat" (Life after death) adlı nitqi nəinki Böyük Britaniya vətəndaşlarını ikinci dünya müharibəsinə səsləyib, hətta Amerikada Billboard 200 adlanan mahnı xit-paradında 19-cu yerə çıxıb. Bu insan kimdi?
 Cavab: Uinston Çörçil
5. Gi De Mopassanın "Ölü" əsərinin qəhrəmanı sevgilisinin məzarını ziyarət etməyə gedir. Bu vaxt dəhşətli hadisə baş verir. Bütün ölülər dirilərək məzar daşlarının üzərində olan sözləri silərək həqiqətləri yazırlar. Onun sevgilisi öz məzarı üstündə yazır: Bir dəfə sevgilisinə xəyanət etməkçün evdən çıxanda yağışa düşüb, sətəlcəm olub və ölüb". 1 dəqiqə ərzində onun sevgilisinin məzarı üstündə əvvəlcədən yazılmış 3 sözü tapın.
Cavab: Sevirdi, sevilirdi, öldü
Davamı
Breyn Rinq Sualları #1


1. Riçard Priqonisin versiyasına görə ilk sözlər tərkibində soyad da səslənən ifadə yox, Filipp Rays tərəfindən işlədilən “ At xiyarlı salat yemir” sözləri olmuşdur. Siz isə məşhur ifadənin müəllifini tapın.

Cavab: Aleksandr Qrehem Bell
Şərh: Priqonisin iddiasına görə ilk telefonu heç də Bell yox, məhz Filipp Rays sınaqdan keçirtmişdir və onun işlətdiyi sözlər də məhz belə olmuşdur. Buna baxmayaraq birinciliyi əsasən Bellin işlətdiyi “ Buraya gəlin Vatson, mənim sizin köməyinizə ehtiyacım var” sözlərinə verirlər.
2. Natalya bir qrup müəllifin spesifik bir kitab üzərində çalışmasına baxmayaraq nəyə görə onun adı ilə adlandırılmasını anlaya bilmir və belə izah edir ki, müəlliflər soyadların əlifba sırası ilə düzülməsinə razı olmuşdular. Siz isə Natalyanın soyadını yazın.
Cavab: Bonk
Şərh: Yəqin ki, bir çoxlarınıza 2 cildlik İngilis dilinin qrammatikası kitabı ən azı hazırlıq illərindən tanışdı. Həmin kitabları isə Natalyanın ərlik soyadı olan Bonk ilə adlandırırdıq.
3. Bir aforizmdə xoşbəxtlik İKSlə müqayisə olunur. Nə qədər onun arxasınca qaçsan da, heç bir effekt verməyəcək və o da səndən bir o qədər uzaqlaşar. İKS-i bir sözlə yazın.  
Cavab:  Kəpənək.
Şərh: Mirzə Babayevin mahnısını xatırlamaq kifayət edərdi. Qaçdım sənin dalınca mən gördüm yoxsan. Söhbət Kəpənəkdən gedirdi.
4. Siz onlardan birində rabbi Löv ben Betsalel,Mordexai Maysel,David Qans,David Oppenhaym və başqalarının,digərində isə Arne Lorin,Arnost Lüstiq,İrji Orten, Ota Pavel və Frans Kafkanın adlarına rast gələ bilərsiniz. Hər ikisini birləşdirən ad 2010-cu ildə nəşr olunan kitabın adından bir sözlə fərqlənir.Kitabın adını cavab kağızlarına yazın.

Cavab : Praqa məzarlığı
Şərh : Adlarından da göründüyü kimi bu şəxslər yəhudidir.Onlar köhnə və yeni Praqa Yəhudi məzarlığında dəfn olunmuşdular.2010-cu ildə Umberto Ekonun “Praqa məzarlığı” adlı kitabı nəşr olundu.
5. Corc Martinin  “Alov və buzun mahnısı” əsərində 7 krallıqda hər bir qəsrin öz meysteri mövcuddur. Meysterlərin əsas simvollarından biri boyunlarından asdıqları və halqaları müxtəlif məlum metallardan hazırlanmış zəncirdir. Zəncirdəki hər bir halqa meysterə məlum olan müxtəlif bilikləri ifadə edir. Metallar müxtəlif bilikləri simvolizə edir. Belə ki, çuqun – qarğaları əhliləşdirmə və onlara xidmət etməni, mis – tarix elmini, gümüş – tibb və loğmanlığı simvolizə edir. Bəs qızıl metaldan hazırlanmış halqa hansı elmi simvolizə edir?
Cavab : Riyaziyyat
Şərh: belə bir deyim var, riyaziyyat bütün elmlərin şahıdır. Analoji olaraq qızılı da adətən metalların şahı adlandırırlar.
6. 6 yaşında olarkən poliomielit xəstəliyi keçirən Frida Kalo xəstəliyin izini bildirməmək üçün bir neçə corab geyməli olurdu. Bununla belə dostları ona “ Frida – Baba-Yaqa” ləqəbini vermişdilər. Baba-Yaqa ilə əvəz edilmiş 2 sözü yazın.
Cavab: sümük ayaq.
Şərh: poliomielitdən sonra Fridanın bir ayağında sümük sistemi inkişafda qalmışdı və təmiz qurumuş kimi görünürdü. Buna görə də onu sümük ayaq çağırırdılar. Sümük ayaq isə Baba Yaqanın ləqəbi idi.
7. 1876-cı ildə ilk istehsalına başlayan Henri işçilərin sağlamlığına və təmizliyinə çox əhəmiyyət verirdi. O işçilərinə xüsusi uniformalar paylayır, paltarların yuyulmasını təşkil edir, hətta işçiləri xüsusi MANİKÜR ustaları ilə belə təmin edirdi. Siz isə Henrinin soyadını yazın.
Cavab: Haynz
Şərh : Həmin dövrlərdə ABŞ-da Forddan başqa da Henri var idi. Və o yeyinti sənayesində çalışan işçilərin təmizliyini əsas diqqət mərkəzində saxlamağı vurğulayırdı. Onun soyadı isə Haynz idi.
8. Duplet.1). Jan Jak Russonun “Emili” əsərində qəhrəmanın kitabxanasında yalnız bir kitab var idi. Həmin kitabın müəllifinin kim olduğunu tapın.2).Jurnalist Qleb Staşkov öz yazısında bir şotland dənizçisindən bəhs edir.Onu bir əsərdəki prototipindən yalnız  “1 GÜN”  fərqləndirirdi. Söhbətin kimdən getdiyini tapın.
Cavab: 1)Daniel Defo; 2)Aleksandr Selkirk.
Şərh: Hər iki halda D.Defonun “Robinzon Kruzo” əsərindən söhbət gedir.Q.Staşkovun “Unudulmuş Robinzon” adlı yazısında Aleksandr Selkirkdən bəhs olunur.Əsərdəki Robizon Kruzodan fərqli olaraq Selkirkin “Cümə”si yox idi.
9. XX əsrin 60-ci illərində çau-çau, volfşpits və layka cinslərinin qarışığından əmələ gəlmiş “oyrazir” it cinsi öz adını haradan götürmüşdü?
Cavab: Avrasiya.
Şərh: Eurasier –almanca cinsin adıdır. Çau-çau, volfşits və layka isə Avrasiyanın müxtəlif ərazilərindən olan it cinsləridirlər.
10.  Yazıçı Milan Kunderanın qəhrəmanı Frans həyatının Sabinanınkından az həyəcanlı olmasından gileylənərək sevgilisinə deyir:”Sən və mən ayrı-ayrı ölçülərdə yaşayırıq.Sən mənim həyatıma X-ə ayaq basan Y kimi daxil olmusan”. Cavab kartlarınıza X və Y-i düzgün ardıcıllıqla yazın.
Cavab:   X – Liliputlar ölkəsi, Y – Qulliver.
Şərh: “ölçü” və “səyahət” sözləri açar olmalı idi.
Davamı
Xəmsə Sualları #1


1-ci Mövzu: “Namələr”
1. Mirzə Ələkbər Sabirin şeirlər toplusu bu ad altında çap olunmuşdur. (Hophop-namə).
2. Füzulinin bu əsərinin 2-ci adı “Nişançi paşaya məktub”dur. (Şikayətnamə).
3. Nizami Gəncəvinin “İsgəndərnamə” poeması bu 2 hissəyə  bölünür. (şərəfnamə, iqbalnamə).
4. Fəzlullah Nəiminin son əsəri məhz, belə adlanır. (Vəsiyyətnamə).
5. İsmayıl bəy Qutqaşınlının avtobioqrafik səciyyəli əsəri belə adlanır. (Səfərnamə).

2-ci mövzu: “Aforizmlər”
1. Stendalın fikrincə bunun çevikliyi gözəlliyi əvəz edə bilər. (ağıl)
2. Fars atalar  sözünə görə, bu adam bir işi iki dəfə görər. (tələsən).
3. “Ölüm var ki, həyat qədər dəyərli. Həyat var ki, ölümdən də zəhərli” sözlərinin müəllifi məhz, odur. (H. Cavid).
4. Madaqaskar atalar sözünə görə, ehtiyatsiz 1ci, xəstə 2cidən tez ölər. 1ci və 2cini deyin. (1-cavan, 2-qoca).
5. Şillerin fikrincə iş həyatın tələbidir, müdriklik onun...   Fikri tamamlayin. (məktəbi).

3-cü mövzu: "Həm, həm də” (Yalniz sonor samitlər)
1. Bu həm ədəbiyyatda epik  janr, həm də linqvistikada dil qrupunun adıdır. (Roman).
2. Bu həm ispan futbol klubu, həm də Braziliya puludur. (real).
3. Bu həm Roma mifologiyasinda məhəbbət ilahəsi, həm də Asiyanin şərqində çaydır.(Amur).
4. O, həm yazıçı Artur Millerin, həm də idmançı Co Cimacionun həyat  yoldaşı olmuşdu. (Merilin Monro).
5. XIX-XX əsrlərdə yaşamış bu fransız ictimai xadimi həm yazıçı, həm də musiqişünas olmuşdur. (Romen Rollan).

4-cü mövzu: "Artosferada 4+4"
1. Frederik Şopenlə dostluq edən Avrora Düpen  əsərlərini bu təxəllüslə yazırdı. (Jorj Sand).
2. Rejissor Cahangir Mehdiyevin çəkdiyi bu filmdə Qasım rolunun ifaçısı Əjdər İbrahimovdur. (Kişi sözü).
3. Corc Oruelin əsl adı məhz, belə idi. (Erik Bler).
4. Bu fransız bəstəkarlarından biri "Karmen", digəri isə "Romeo və Cülyetta" operasının müəllifidir. (Jorj Bize, Şarl Quno).
5. Bu impressionist rəssam "Qara balıqlar" adlı rəsm əsərinin müəllifidir.(Jorj Brak).

5-ci mövzu: “Canlı Elmlər”
1. Floristika elmi onları öyrənir. (bitkiləri).
2. Qədim bitkiləri öyrənən elm sahəsi isə belə adlanır. (Dendrologiya).
3. Həşəratlardan bəhs edən elmin adı məhz, belədir. (Entomologiya).
4. Hörümçəklər haqqında olan elm belə adlanır. (Araxnologiya).
5. İlbizləri öyrənən elm sahəsi məhz, budur. (Malakologiya).




6-ci mövzu: “Rəqəmlər və oyunlar”
1. Yalnız bu 2 rəqəmin adındakı hecaların sayı öz nominalı ilə üst-üstə düşür. (1 və 2).
2. Domino daşları içində çəkisinə görə ən yüngül olanı məhz, budur. (6 qoşa).
3. Futbol üzrə bir  D.Ç. ərzində 1 futbolçu üçün vurulmuş qolların maksimal rekord sayı məhz, bu qədərdir.(13).
4. Şahmat oyununda vəzirin, dayandığı istənilən xanadan edilə biləcək gedişlərin maksimal müxtəliflik sayı bu qədərdir. (21).
5. Futbol oyununun gedişi zamanı meydançada ən az sayda bu qədər oyunçunun olması mümkündür.(14).

7-ci mövzu: "...ambi..."
1. Bemba, Balozi, Balunda tayfaları əsasən bu Afrika ölkəsində məskunlaşmışdır. (Zambiya)
2. Sağ və sol əllə eyni dərəcədə ustalığa malik olan sənətkarları belə adlandırırlar. (ambidekstor).
3. Beş guşəli ulduz üzərində balta ilə kalaşnikov avtomatının kəsişməsini məhz, bu dövlətin bayrağı üzərində görmək olar. (Mozambik).
4. Misir,  e.ə. 525ci ildə, məhz, bu şah tərəfindən işğal olunmuşdur. (kambiz).
5. Bu ölkənin Atlantik okeana çıxışı olsa da, yalnız Seneqalla həmsərhəddir. (Qambiya).  

8-ci mövzu: “Dünyaya coğrafi baxış”
1. Yalnız  San-marino, Vatikan və Lesoto üçün bu, ortaq cəhət hesab olunur. (dənizə cıxışı olmayan anklavlar).
2. Yerləşdiyi adada 2 dövlətlə quru sərhədi olan yeganə ölkə məhz, budur.(Malayziya).
3. Dünyada 2 materikdə ərazisi olan 2 ölkə bunlardır. (Misir, Panama)
4. Kito, Kampala, Librevil və Nayrobi bu siyahıda qabaqcıllardır. Həmin siyahiya görə sonuncu olan paytaxt şəhər hansıdır? (Reykyavik).
5. Sakit okeanin bu adası ABŞ-ın tərkibinə daxil olsa da, 4 müxtəlif  MDB dövlətini öz adında birləşdirir. (Quam).

9-cu mövzu: "...pol..."
1. Dieqo Maradonna  İtaliyanın məhz, bu futbol klubundakı  uğurlarından sonra tanınmağa başladı. (Napoli).
2. Bu termin tərcümədə çox nigahlılıq mənasını ifadə edir. (poliqamiya).
3. Yunanca deyin: ölülər şəhəri. (nekropol).
4. O, meyitlər üzərində Anatomiyanı öyrənən ilk intibah rəssamıdır. (Antonio Pollayolo).
5. 1964-cü ildə o, ədəbiyyat sahəsində nobel mükafatına layiq görülmüşdür. (Jan pol Sartr). 

10-cu mövzu: “Nobel”
1. Mendeleyev cədvəlinin 102-ci elementi məhz, belə adlanır. (Nobelium).
2. O, 1907ci ildə ədəbiyyat sahəsində nobel mükafatını qazanmışdır. (Redyard Kiplinq).
3. Bakı şəhərindəki Nobel prospektinə ən yaxın olan metrostansiya bu şairin adınadır. (Xətai)
4. 1917, 1944 və 1963cü illərin nobel sülh mükafatının laureatı, dünyada bu adla tanınır. (Beynəlxalq qırmızı xaç cəmiyyəti)

5. Bu Rusiyalı ədib 1965-ci ildə nobel mükafatına layiq görülmüşdür. (Mixail şoloxov). 
Davamı
Kaydol: Kayıtlar (Atom)